كوبري النمرية: الأهالي ضحايا.. والمسؤولون "غرقانين" في العسل

حمادة شافع، ينطلق بسيارته كل صباح، لا يجد طريقًا آخر للتحايل على أزمة الحفر الموجودة بكوبري قرية النمرية بالبحيرة، والملامسة لمواسير الصرف الصحي، "متوعدة المارة بموت قريب"، حد قوله. "مفيش طريق تاني، كوبري العسل بيوصل بين عزبة سعد إبراهيم والعسل والخصمة والشيخ قاسم وبردان"، شكاوى عديدة لمحافظ البحيرة لم يجد لها الرجل الأربعيني رد، "عرفنا إن فيه ميزانية رصودها لصيانة الكوبري من سنتين، ولغاية دلوقتي مفيش حل". الكوبري المقام منذ 1970 يعد شريانًا حيويًا للقرية، لم يخضع للصيانة أو التجديد منذ إنشائه، "العيال بتطلع تجري عليه من وسط الأراضي اللي بيقع في الحفر الناتجة عن تهالك الخرسانة.. اللي فيهم يموت، واللي يحصل لهم عاهة مستديمة، والعربيات والتكاتك لازم تقع فيه". "الأعمدة الحديدية سقطت فوق الكوبري، مفيش حد عارف ينتقل بين البر الشرقي والغربي والمصالح واقفة"، بحسب محمد سعد أحد المواطنين المتضررين. وأضاف "المحافظة عارفة بحالة الكوبري وساكتة، وكل ما نشتكي يقولوا لنا الكوبري سليم، رغم أن الحوادث بتزيد على كوبري وهو الحل الوحيد لـ35 ألف نسمة".