ابنة شقيقة الشحرورة تنتقد مروجي الشائعات:"هلكتونا بحياتها وبعد رحيلها"

انتقدت جانو فغالي ابنة شقيقة الشحرورة، الشائعات المستمرة التي يتداولها البعض بشأن خالتها، قائلة:" أنا بس حابة أعرف اللي كانوا كل شوي يطلعوا إشاعات ويتمنولها الموت ارتاحوا ؟؟؟.. عن شو رح يحكوا هلق وعن مين؟؟؟. وأضافت عبر صفحتها بموقع التواصل الاجتماعي "قيسبوك": "هلكتونا بحياتها وبعد رحيلها... اذكروا محاسن مواتكم... ارحموها وارحمونا ...الناس والجمهور خسروا صباح مع أنه فنها باقي للأبد بس نحنا خسرنا صباح وجانيت خالتنا .... مش صحيح إنها في التابوت والقبر اللي عم تتداولوا الدنيا كلها هيدا إلها ... كذب كذب ...هويدا منهارة وما اجت لأنها تعبانة كتير ...". وقالت، صباح هي الحياة نفسها ، وعمرها ما فكرت بالانتحار، قائلة" أن صباح من مواليد ١٠ نوفمبر ١٩٢٧ اللي مصدق أهلا وسهلًا اللي مش مصدق بقوله هي عمرها ألف سنة من قبل الفراعنة كمان ... تفرق في ايه؟؟؟؟؟ راحت ارتاحواا". وتابعت:" خلاص، بترجاكن خلصوني من هالأسئلة اللي ما الها معنى وكلها كذب اي حدا بعد بيسألني هيك شي بالانبوكس ... رح اعمله بلوك خلاص ...ارحموني.. قلبي مخلوع من مكانه .....ما عندكوش أم أو أخت أو خالة أو جدة.. تبكوا عليها أو تقلقوا عليها أو ما عندكوش ضمير كفاية أكاذيب وكلام فاضي أنا تعبانة".