"محمود": هدخل أولمبياد المعاقين عشان أشوف السيسي وأشكره

لم يجد "محمود" (23 عامًا) شيئًا يمنعه من خوض معترك الحياة بما فيها من صعوبات، تحدى ظروفه وذلل كل ما يقابله من عقبات الواحدة تلو الأخرى، رفض أن يستسلم وآثر أن يصل لحياة طبيعية، "الناس دايمًا بتعاملني على إني مبفهمش حاجة، بس مكنتش بتأثر بكلامهم لحد ما اتعلمت أقرأ وأكتب وبشتغل دلوقتي في سوبر ماركت كبير واتجوزت كمان وبقى عندي عمر". لم يشعر "محمود" يومًا بالضيق، الصبر والأمل كل ما يملكه، ويقول: "كان دايمًا عندي أمل إن في رئيس هييجي يهتم بينا، بس عمري ما كنت مهتم إني ألعب رياضة، لحد ما لقيت السيسي بيشجَّعنا ومهتم بينا فقررت ألعب تنس وأبقى لعيب كبير، عشان نفسي أشوف السيسي وأشكره على كل حاجة حلوة بيعملها لينا وللبلد". كغيره من ذوي الاحتياجات الخاصة، يحلم الشاب "محمود" الذي يعاني من الإعاقة الذهنية، بمجتمع يتفاعل معه ويعامله على أنه إنسان طبيعي، وحاول الدخول للتدريب في لعبة التنس، "قدمت ورقي في مركز تدريبي جنب البيت، واخترت التنس عشان من صغري ودايمًا كنت بلعبها مع أبويا في البيت، كان عامل لي شبكة على الحيطة وكورة أحدفها فيها وبحب اللعبة دي من وأنا صغير وبعرف ألعبها"، مضيفًا "أنا عارف إن سني ممكن يكون عدا التدريبات في الألعاب عشان اللي أعرفه إنهم بيخدوا اللي سنهم صغير، بس أنا عندي أمل وهشرفك يا سيسي".