مدرس رسم يقود حملة لتزيين منوف.. إزاي هعلمهم الجمال في مكان كله زبالة

رغم إمكانياته المادية المحدودة، إلا أن ياسر مدين (مدرس التربية الفنية بمدرسة برهيم الإعدادية بمنوف)، لم يكف عن البحث عن طريقة بأقل الإمكانيات المادية تساعده في تجميل المدينة بجموعة بستلات طلاء، تكفيه لاستبدال العبارات المسيئة ببعض الآيات القرآنية والرسومات المبهجة. لكن نقص الإمكانيات يعيقه عن استكمال ما بدأه منذ أسبوع، "أنا وباقية زمايلي نزلنا واشتغلنا من مالنا الخاص، لكن لوحدنا مش هنعرف نعمل حاجة، والكل شايف المنظر البشع والزبالة اللي ملت الشوارع ومفيش حركة وكأن المفروض نعيش في المنظر دا ونقبل بيه، مدام الحي مش بينضف وكله بيقول وأنا مالي"، حد قوله.[SecondImage] من ميدان النافورة حتى شارع الجيش، طاف مدين بصحبة 10 متطوعين يحثون أهالي المنطقة لتغيير أوضاع مدينتهم بأنفسهم، حتى تكون قدوة لطلبة المدارس الذين يمقتون حصص التربية الفنية، نظرًا لملامح القبح المنتشرة من حولهم "إزاي هعلمهم عن الجمال والفن وكل مكان بنعدي فيه ياما مليان شتايم أو زبالة.. أنا بدأت بنفسي بس إيد لوحدها متصقفش". مدرس التربية الفنية، أكد أن الحملة طوال الأسبوع الماضي لم تتمكن إلا من جمع القمامة تمهيدًا لبدء أعمال الطلاء في انتظار وصول التبرعات "مش هنقولك إنزل لم معانا بس ساعدنا بالخامات وهنحول المدينة الرمادية بتراب الشارع لمدينة مبهجة كلها نشاط، وولادكم هتطبق اللي بتدرسه عملي وهيمضوا بأساميهم على الجدران اللي هنلونها".