بالفيديو| شاهد عيان: قصة حب وراء محاولة طالب "تجارة" الانتحار

حاول طالب في كلية تجارة جامعة القاهرة، أمس، الانتحار شنقًا من إحدى بلكونات المدينة الجامعية للطلاب، إلا أن القدر لم يشأ أن يمنحه ما أراد، فأنقذه زملائه في اللحظة الأخيرة. "الوطن"، تحدثت مع أحد زملائه، والذي روى الواقعة قائلًا: "اللي حصل إني كنت قاعد مع زميل ليا في كلية علاج طبيعي، وشوفنا محمد وهو طالب في كلية تجارة إنجليزي، طلع من البلكونة وأخد حاجة ركبها في الباب من فوق، وبعدين لقيناه متشعلق فيه ومشنوق". وأضاف شاهد العيان، "إحنا مكناش مصدقين عنينا وقلنا دي صورة، أكيد مش ها يعمل كده، وبعدين لقينا جسمه بيترعش أوي وحاجات بتطلع من بقه، وجريت ناديت زمايلي في الجناح التاني محمد وعباس، وروحنا شلناه من الحبل ونزلناه وجت الإسعاف شالته". وتابع، "الأسباب ورا اللي حصل، قصة حب وناس شافت صليب على إيده، مع إن اسمه محمد ومن ضمن اسمه أحمد كمان، وأمن المدينة طلب مني الشهادة"، واستطرد " بعد ما خده الإسعاف، محدش شافه من ساعتها".