لكل هؤلاء أقول..

1- تيجى نعمل مظاهرة شايلين أكفانا؟ يمكن نقدر نرجع نعيش مع بعض، يمكن نقدر نبص للمستقبل، يمكن نقدر نتسامح. 2- للشهداء وأهاليهم: شكراً، اديتونا حياة أو فرصة أو محاولة للحياة. هنحاول نحقق القصاص (يمكن ياخد وقت) بس لو هيأدى لنتيجة عكس ما استشهد من أجله الشهداء. ممكن تسامحوا (بس مش عارف مؤقتاً ولا على طول)!! 3- لمن يريد الخلافة الإسلامية: الاتحاد الأوروبى وحش؟ مش برده على ما أفتكر «يعملون بالإسلام وليسوا مسلمين»؟ 4- لمن يريد الشريعة: قال تعالى «إِنَّمَا يَخْشَى اللَّهَ مِنْ عِبَادِهِ الْعُلَمَاءُ» لو زودنا عدد العلماء مش ده مكسب للدين، على حسب فهمى؟ 5- لمن يرى و«يلمس» ضعف الكفاءة فى أى قيادة (وأخص القيادات المتوسطة والصغيرة) ويرى وطنه «مستباحاً» ليس فقط فساداً ولكن ضعف كفاءة وقلة خبرة وتسلطاً و... ولا يرى خطة أو «آلية» أو... لتصحيح الأوضاع والإتيان بوجوه ذات كفاءة، أقول لهم: «للأسف» إعلامنا ونخبتنا وسياسيونا و... لا يعلمون أن تحقيق الكفاءة يقاوم (بل يقضى على الفساد) معلش يمكن يفهموا بعد فترة. لكل هؤلاء أقول: لماذا لا نعلى مصلحة الوطن؟ يمكن نقدر نركز فى أهداف الثورة.. يمكن ساعتها نقدر نعمل خطة لتنفيذ الأهداف ونبطل شعارات.. يمكن ساعتها التار ينتهى.. يمكن ساعتها كلنا نحس ببعض.