أمانى
أمانى
أمانى يا بنتى
تعالى وهاتى
ف إيدك
ورقة وقلم
نحارب بيهم
الاستعمار والتتار
ونطردهم
من بلادنا مهماً كان
وساعتها نقول
أنا وانتى
وأيمن أخوكى
وصادق ابنى
أحرار أحرار
ونزيح من طريقنا
غبار النار
خليه يروح يكوى
العدو الغدار
فلسطين تقول
صبرت أنا
لما الصبر ناجانى
يا هل ترى
يصفو الزمن
والمر ينسانى
ولاّ ده مكتوب
ولا يمكن يزول تانى
جفونى الأهل
وأنا غريبة بين خلانى
أدعوك ربى بعد العسر ميسرةً
بالهاشمى المصطفى
من نسل عدنان
