سامح لطف الله يكتب: إمتى يعود من تانى؟

إمتى يعود من تانى؟ كان يجرى إيه لو صفا ويقول لقلبى ليه جفا؟ كان بالحنان يرعانى إمتى يعود من تانى؟! ■ ■ ■ دا كان هنايا معاه ماعرفش إيه نسَّاه مين يا ترى قسَّاه يشقينى ظلم أساه يا قلبى آه وآه كان بالحنان يرعانى إمتى يعود من تانى؟! ■ ■ ■ وان فُتّ يوم ع الباب هتبصّ لك الأعتاب نظرة أمل وعتاب بتقول هنا أحباب ومحبة وقلب وروح قلبى العليل مجروح فاته حبيب الروح ■ ■ ■ وان فُتّ ع الشباك تلقانى بستناك تايهة ف بحر هواك مين يا ترى ويَّاك؟ والعطر منى يفوح بيعيدلى همس البوح ■ ■ ■ دا كان هنايا معاه ماعرفشى مين قسَّاه مين يا ترى ويَّاه؟ يكفينى ظلم أساه كان بالحنان يرعانى إمتى تعود من تانى؟