بالفيديو| شريف مدكور لمنى البحيري: "ضحكتي الناس علينا.. كفاية كده"

انتقد شريف مدكور، مقدم برنامج "ساعة مع شريف"، ظهور منى البحيري، الشهيرة بعبارة "شت أب يور ماوس أوباما"، بسبب ظهورها في برنامج "أراب جوت تالنت"، في حلقة السبت الماضي. وقال مدكور، إنه دافع عن تلك المرأة لأنه كان يرى أن لها رسالة تريد توجهيها للغرب، مضيفًا "أنا عاوز أوجهلك إنتِ رسالة متخديش الموضوع ده تجارة.. لإنك أسائتي لنفسك ولكل المصريين". واستنكر مدكور، سماح إدارة البرنامج لها بالظهور على المسرح، قائلًا "بلوم على البرنامج عشان طلعك.. مش عارف البرنامج طلع منى البحيري ليه وهي معندهاش أي موهبة، ومبتعرفش تتكلم إنجليزي كويس وأول ما طلعت الناس ضحكت عليها". وتابع "هل ما حدث كان مقصود من أجل أن يسخر البرنامج منها ومن المصريين.. أنتوا ليه وافقتوا أنها تطلع على المسرح"، مطالبًا إدارة البرنامج بأن تبرر للمصريين سبب سماحهم لمنى بالظهور. ووجه مدكور، كلامه لمنى "ياريت يا أستاذة منى كفاية كده، الموضوع بقى مش لطيف، وعيب اللي بتعمليه كده، أنتٍ خلاص وصلتي رسالة من فترة، وكده كفاية الموضوع بقى بايخ".