سامح لطف الله يكتب: إمتى يعود من تانى؟

01:55 ص | الثلاثاء 13 يناير 2015

كان يجرى إيه لو صفا ويقول لقلبى ليه جفا كان بالحنان يرعانى إمتى يعود من تانى؟ ■ ■ دا كان هنايا معاه معرفش إيه نسَّاه مين يا ترى أسَّاه يشقينى ظلم أساه يا قلبى آه وآه إمتى يعود من تانى؟ ■ ■ وإن فُتْ يوم ع الباب هتبص لك الأعتاب نظرة أمل وعتاب بتقول هنا أحباب ومحبة وقلب وروح قلبى العليل مجروح فاته حبيب الروح أمانة يا محبوب لتزور جريح الهوى ترد فيه الروح ■ ■ مين يا ترى أسَّاه يسقينى ظلم أساه يا قلبى آه وآه كان بالحنان يرعانى إمتى يعود من تانى؟ ■ ■ مين يا ترى ويَّاك؟ والعطر منى يفوح أصله أريج الروح أمانة يا محبوب لتزور جريح الهوى مرَّة وبعدين رُوح