م الآخر| "فنانين ضد الإرهاب".. النسخة "الفرنساوي"!

جولييت بينوش=نيللي: فرنسا دي هبة السين الغالية.. حبها جوا القلب حياة.. راسي مرفوعة ودايما عالية..ما انا فرنساوية بفضل الله.. هي دي فرنسا الحضن الدافي.. سبب الفخر اللي انا حساه. ______ مارسيل مارسو= أحمد بدير: فرنسا بأمر الله محروسة.. مخصهاش في القرآن بآيات..خير جنود الأرض جنودها.. حربها للإرهاب إثبات. ______ بريجيت باردو= الهام شاهين: اتحدينا زمان اعداءنا.. وادينا كل الدنيا دروس.. وبإذن الله اللي خلقنا.. قادرين ع الإرهاب ده ندوس.. فرق كبير بين فرنسا وغيرها.. ولا ممكن تتساوى الروس. ________ ماريون كوتيار= رغدة: فرنسا اللي اتربينا في خيرها.. فرنسا ايفل والشانزليزيه.. واللي بيعجز عن تفسيرها.. اي عميل بنحط عليه.. فرنسا مبتفرطش في تارها.. واللي يخونها هنضرب فيه. ______ أودري تاتو= دينا فؤاد:حاجة اكيد من غير ما نفكر.. نصرنا ع الإرهاب مضمون.. مش هنخاف لو مهما يفجر.. علشان ربنا هو العون.. كلنا ضد الارهاب واحد.. كلنا علشان فرنسا نهون. _____ كرستوفر لامبيرت= كمال ابو رية:ارهاب ايه اللي يخوفنا؟!..ياما واجهنا الناس دي زمان..وقت الجد تحب تشوفنا.. ايد في الايد واقفين جدعان.. واللي بيكره فرنسا لايمكن يلقي لنفسه مابينا مكان. _____ إيما واتسون=ريم البارودي:اتحدينا الصعب وياما.. جوا تاريخنا قصص لكفاح..اتعودنا نعيش بكرامة.. مهما تعدي علينا جراح..كلنا للارهاب بنحارب.. بكرة اكيد منه هنرتاح. ______ رومان بولانسكي=هادي الجيار: فرنسا دي كده من يوم ما اتخلقت..اطهر ارض سلام وامان.. فرنسا كنيسة في حضن الجامع..دق جرس مع رفع ادان..هي دي فرنسا وصعب تلاقي زيها اي مكان. ____ إديث بياف=هدى: فرنسا دي ام الدنيا بهية..كل تاريخها حروف من نور..كل الكون عارف مين هي.. فرنسا سلام من بعد عبور..مش ارهاب اللي يخوفها.. ارضها للي يخونها قبور. _____ جاد المالح=ماهر عصام:شعب في حب بلاده استقتل.. مبنضعفش لاي ظروف..كل رصاصة غدر بتقتل.. جوانا اي شعور بالخوف.. مش خايفين من الموت بنواجهه.. صدرنا للارهاب مكشوف. _______ فرانسوا كلوزيه= يوسف شعبان: ولا بنتهز سارة برنار=رجاء الجداوي: كفاية دفن لولادنا إيفا جرين = وفاء عامر: مبنخافش جان رينو= كريم عبد العزيز: كفرنسيين إليسا توفاتي=صابرين: كفرنسيين برضو دفيد جتا=مصطفى قمر:تحيا فرنسا أديل اكسرشابلس=ساندي: كفاية