م الآخر| يارب انا عمري ما هسيبك
م الآخر| يارب انا عمري ما هسيبك
بقالي كتير مابهتمِّش..
بِذِكرَك، حتى مابصلِّيش..
بقالي كتير، كتير نفسي
أكون جانبك و ماتسبنيش!
أنا عايش و مش عايش..
أنا ميِّت ونفسي أعيش!
ده لمَّا السجدة بتطوِّل..
أنا حالي بيتحوِّل..
والاقي الهَم يبقى مافيش..
وروحي كتير بتتمنَّى..
تسيب الدنيا و تجيلك..
وأشرَب شَرْبة مـ الجنة..
_يارب انا عُمري ما هسيبك_
يشرَّبني كمان منها..
حبيب الدنيا وحبيبك!
يارب انا نفسي اسيب نفسي..
واسيب أهلي..
واسيب حالي.. واسيب مالي
واسيب الكل و أجيلك
يارب انا عمري ما هبطَّل..
أصلِّيلك أو ادعيلَك !!
