"الإخوان" يوزعون "كاب 25 يناير" تحت ستار "شباب بنحب مصر"

"كاب 25 يناير، لافتة مصر بتتكلم ثورة"، دعاية "تحريضية" فوجئ أحمد منصور، أحد سكان منطقة سيدي جابر بالإسكندرية، بتوزيعها على أهالي منطقته على يد أنصار جماعة الإخوان دون معرفة هويتهم، متخفين وراء مسيرة "شباب بنحب مصر"، وتابع أحمد باهتمام تحركات صديقه الإخواني الذي تعرف عليه من بينهم، وتوزيعه "الكابات" في الشوارع، ما أثار حفيظته، ليقرر "فضحهم". نزل الرجل الأربعيني من بيته، يسأل المارة وأهالي منطقته عن حقيقة هوية من وزَّعوا عليهم هذه الأشياء، بعد أن تأكد من كونهم "إخوان" من صديقه المشارك في التوزيع، "مكانوش ماسكين أي علامات رابعة أو شارات صفرا تدل على إنهم إخوان، حتى الكابات اللي وزعوها على الناس كانوا طابعين عليها علم مصر عشان محدش يشك فيهم، وممشيين الستات في أول المسيرة والرجالة وراهم". وجَّه أحمد سؤالًا لزميله الإخواني عن هدف توزيعهم "كابات 25 يناير" على المارة ومدى مصداقيتهم، فجاءه الرد "عشان الناس تصدقنا، لو عرفوا إننا إخوان محدش هياخد مننا حاجة، ولا هينزلوا يشاركوا معانا". الغضب الذي انتاب الأهالي بعدما فاجأهم أحمد بحقيقة الأمر، لم يعبروا عنه سوى بتوجيه الشتائم لشباب الإخوان، بحسب تأكيد أحمد، الذي قال "الناس مكانتش مصدقة عشان كلنا حافظين وشوش الإخوان في منطقتنا، بس اللي نزل وزع في الشارع مكانوش منهم، واللي كشفهم صاحبي اللي لقيته في وسطهم"، مضيفًا "جيراني اللي عارفيني صدقوني ومكنوش بيخدوا منهم أي حاجة، وفيه ناس مكانتش بتصدقني إنهم إخوان، ومصدقوش إلا لما لقوهم بيهتفوا ضد الجيش بعد ما وزعوا كل كابات ولافتات 25 يناير اللي كانت معاهم".