قبل وفاتها.. "شيماء" عن ذكرى الثورة: "تقدر تجيب كام واحد معاك من أهلك"
ربطت شيماء الصباغ، شهيدة طلعت حرب، بين النزول إلى الميادين والشوارع بالحالة الثورية والتأييد الجماهيري لفكرة التحرك الشعبي من الأساس.
واعتبرت الصباغ، في تدوينة لها على حسابها عبر "فيس بوك"، في الرابع عشر من الشهر الجاري، أن ما تقوله من الممكن أن يوصف بـ"الخطرفة"، مطالبة من يقرأ البوست بأن يتحمَّلها، حيث تساءلت عن ربط نزول الشارع بيوم 25 يناير، وهل سيتم الاكتفاء بالهتاف.
وأشارت الصباغ التي كانت تتولى أمانة لجنة العمل الجماهيري بالحزب التحالف الشعبي الاشتراكي في الإسكندرية، إلى أن الإجابة عن سبب النزول للشوارع في ذكرى الثورة ستكون أنها نجحت من قبل، موضحة أن في حالة عمل استبيان على 100 فرد سيكون المطلب الأول للمواطن متمثلًا في الأمن والأمان.
واستنكرت الصباغ، في تدوينتها، عدم قيام الثوريين بأي توعية للجماهير وما هي الخطوات التي اتخذها أي ثوري لإقناع الأفراد في عائلته بالنزول معه في المظاهرات.
وكان نص تدوينة شيماء الصباغ، على "فيس بوك" كالآتي: "اعتبروها خطرفة.. واستحملوني شوية.. ليه كل الناس رابطة نزول الشارع بيوم 25 يناير.. طيب.. هتنزلوا الشارع تعملوا إيه.. تهتفوا شوية.. يا فرحتي.. تقولوا ما إحنا عملناها قبل كدا ونفعت.. أقولكم لا.. الذكي اللي يقرا الواقع.. ويحسب إحنا قدمنا إيه بشكل حقيقي عشان ننجَّح أي تحرك شعبي.. طيب.. أقولكم حاجة.. هل لو عملنا استبيان دلوقتي على 100 فرد.. مش هيبقى المطلب الأول للمواطن العادي الأمن والأمان.. طيب اسأل أمك ولا أبوك كدا.. انتم واثقين في السيسي ولا لا.. بلاش كل ده.. انت يا ثوري (تسوى إيه من غير جماهير) عملت إيه عشان توعي الجماهير.. أقنعت كام حد مش على القهوة.. في عيلتك بفكرك الثوري.. تقدر وانت نازل تجيب كام واحد من أهلك معاك.. طيب قادر توجه أهلك وقريبك بفكرك.. طيب حولت تنظم نفسك واللي حواليك.. طول عمرنا مهتمين نفكر مع بعض ولبعض.. وضد بعض.. وحوالين بعض.. ودلوقتي عايزين تنزلوا والناس وراكوا.. انت مين ياض انت وهو وأنا معاكوا.. عملنا إيه عشان نقود جماهير.. ابنوا نفسكوا الأول.. وانزلوا للناس.. وبعدين ابقوا حطوا تاريخ مناسب لأحلامكم.. وارحموني وسامحوني على قلة ذوقي.. لأني مختلفش كتير عنكم".
تدوينة شيماء الصباغ