«التموين» للمواطنين: «روّحوا هتشتغل لوحدها»
«التموين» للمواطنين: «روّحوا هتشتغل لوحدها»
«الوطن» استطلعت آراء المواطنين فى المنظومة، وقال محمد نصر، يعمل نجاراً، من منطقة السيدة زينب: «أنا راجل على باب الله، وعندى 3 أولاد، ومش عارف أأكلهم منين، كل ما أروح المخبز علشان أستلم العيش بتاعى البطاقة ماتشتغلش، وصاحب المخبز يقولى ما أقدرش أديك عيش، علشان الكارت بتاعك مافيهوش رصيد، وطلب منى الذهاب إلى مقر شركة البطاقات، وانتقلت من المعادى إلى حلوان، ووجدتها مغلقة، وذهبت إلى وزارة التموين 3 مرات علشان يشوفوا لى حل، وفى آخر مرة رد على الموظفين وقالوا لى روّح وبطاقتك هتتنشط لوحدها يوم الخميس اللى جاى».
وقال جمال محمود على، موظف: «المنظومة فى بدايتها كانت كويسة وتفاءلنا خير بيها، لكن مع مرور الوقت ظهرت عيوبها، وكان من الأفضل أن الوزارة قبل ما تعمل منظومة تكون متأكدة من نجاحها بنسبة 100%». وقال الحاج عبدالعال درويش، نائب رئيس الشعبة العامة للمخابز، ورئيس غرفة مخابز الإسكندرية: «نواجه أزمة مع المواطنين بسبب تعطل البطاقات بشكل مستمر.
وقال الدكتور خالد حنفى وزير التموين والتجارة الداخلية، إنه تم توفير ماكينة إضافية لبيع الخبز فى المخابز التى لديها ماكينة واحدة، وإن الشركات المنفّذة لبطاقات التموين الذكية تجرى الصيانة الدورية على ماكينات بيع السلع التموينية وبيع الخبز، منعاً للأعطال.
