لدواع أمنية: «ممنوع ترك السيارة» فى محطات البنزين

«بناءً على التعليمات الأمنية، ممنوع ترك السيارة داخل المحطة أو فى حدودها ومغادرة المكان، لأى سبب ولأى صفة»، لافتة تحذيرية انتشرت فى الآونة الأخيرة داخل أكثر من محطة بنزين بمختلف الأماكن، لفتت انتباه أيمن عبدالحميد -صاحب عربية ملاكى- فى كل مرة زار فيها محطة بنزين فى الطريق من بيته بالتجمع الخامس إلى عمله بمصر الجديدة. لم يهتم «أيمن» بتعليمات اللافتة، حين دخل محطة بنزين بالقرب من بيته ذات يوم، لشراء زجاجة مياه من «السوبر ماركت» داخلها، تاركاً سيارته بجانب المحطة، ليأتيه الرفض من أحد عمال المحطة: «لو سمحت.. اركن العربية بعيد عن البنزينة، دى تعليمات ولازم تلتزم بيها للأمان»، بمقدار الضيق الذى شعر به الرجل الخمسينى من القرار، إلا أنه وجد فيه الأمان له قبل الآخرين، خاصة فى تلك الأيام «من بداية السنة الجديدة وكل ما أعدى على بنزينة فى طريقى عشان أموّن العربية، ألاقى اللافتة دى وكنت فاكر أنها مجرد ورقة متعلقة، بس اكتشفت أن أكيد ليها أهمية بالعربيات المفخخة اللى انتشرت فى الفترة الأخيرة، لأن لو عربية ولعت فى قلب المحطة هتبقى كارثة على الكل»، مضيفاً «عشان كده احترمت التعليمات وكلام العامل وركنت بعيد عن المحطة تماماً، والعربيات اللى موجودة فى المحطة اللى بتمون بنزين بس». وأوضح هشام سراج، أحد العاملين بمحطة بنزين فى التجمع الخامس، أن اللافتة وضعوها داخل المحطة قبل شهرين، استعداداً للدواعى الأمنية التى بُلّغوا بها من مسئولى المحطة، تحسباً من استهداف محطات البنزين بقنبلة أو سيارات مفخخة.