بالفيديو| الزند يطالب بفرض ضريبة "أمن" 20 جنيها على "القادرين"

قال المستشار أحمد الزند رئيس نادي القضاة، إنه من الضروري فرض ضريبة أمن على القادرين من المواطنين لتدعيم جهاز الشرطة، مؤكدًا على مصطلح "القادرين"، مضيفًا "علشان محدش يقول والعشوائيات، رغم إن بتاع العشوائيات عندوا 25 عيل بيجيبولوا في اليوم 3 أو 4 آلاف جنيه شحاتة وبيع مناديل". وأوضح الزند، في حواره مع الإعلامي أحمد موسى ببرنامجه "على مسؤوليتي" على قناة "صدى البلد" مساء أمس، أن الضريبة ستكون بمقدار 20 جنيهًا كل شهر، مضيفًا "علشان تحرس مالك وولادك وأنت وزوجتك، يعني 5 أفراد يدفعوا 100 جنيه في الشهر". رد عليه موسى: "هيطلع اللي يقولك هو إحنا ناقصين، شوفتوا عاوزين ياخدوا فلوس تاني مننا عشان عيال الداخلية"، فرد الزند "هي 100 جنيه فلوس.. لو ماخدناش هيقولك شوفوا ما بيخدوش منا فلوس، ودنك سدها إلا عما يصب في صالح مصر، هسمع لفلان وعلان هيشغلوني وده مقصود".