رسالة من امرأة مجهولة: والنعمة لأفضحك
«العيار اللى مايصيبش يدوش» مثل شعبى انطبق على أكثر من 15 ألف زوج من رواد موقع «فيس بوك»، وتحديداً ممن يستخدمون موقع التواصل الاجتماعى فى خيانة زوجاتهم، حيث كتبت إحدى الزوجات «من صفحة لا تحمل اسمها» رسالة تحذيرية صادمة إلى زوجها «الذى لم تحدد اسمه»، جعلت أكثر من 15 ألفاً و666 زوجاً يلفون حول أنفسهم وكل منهم يعتقد أنه المقصود منها.
كتبت السيدة المجهولة: «عايزة أقول لجوزى اللى بيدخل على البيدج هنا كل يوم.. أنا عارفة إنك بتكلم خطيبتك الأولانية وبتقابلها من ورايا وكلامكم اللى على الإنبوكس كله معايا منه سكرين شوت، خلاص عرفت إن الكلام ليك.. لم الدور بقى بدل ما قسماً عظماً أهد البيت على دماغك وتلاقينا فى يوم على دماغكو وأفضحكو فى الشارع وأقول لأهلها اللى انت عارف كويس إنى أعرفهم.. بص لبيتك وابنك ومراتك اللى حفيت وراها عشان تتجوزها».
بسرعة الصاروخ تجولت الرسالة على صفحات «فيس بوك»، وتداولها نشطاء الموقع على نطاق واسع، ساخرين من هذا الرجل الذى كشفته زوجته، وبسبب قلق كثير من الأزواج كتبوا لها فى التعليقات طالبين تحديد اسم الزوج أو إرسال الرسالة له على صفحته الخاصة على الموقع بدلاً من نشرها بشكل عام.
فكتب أحد الأزواج المترددين على هذا الجروب تعليقاً ساخراً: «ابعتى له أحسن ما تكتبى له على الوول، أصل الجروب ده كله رجالة وكلهم شاكين فى نفسهم عشان كلهم بيكلموا خطيباتهم السابقين، ولو ماكانوش سابقين فبيكلموا خطيباتهم فى المستقبل القريب».
معركة أخرى اندلعت على الجروب بسبب الخطيبة السابقة التى ظهرت فى أحد التعليقات وقامت بسب صاحبة الرسالة ومعايرتها ببعض أسرارها الزوجية: «هتسكتى ولا أفضحك.. يا بتاعة السجادة.. يا اللى بتحبى السجادة أكتر من جوزك»، وهنا ظهر التكتل النسائى على الصفحة الذى نهر الخطيبة السابقة، ووصفها بأنها «خطافة الرجالة».