نداء من حواري المندرة لمحافظ الإسكندرية الجديد.. "اعتبرنا ميامي"

عربات شفط المياه ترفض الدخول، مياه الأمطار والسيول التي تختلط مع مياه الصرف الصحي تزيد مع كل شتاء، لتتحول في الحال إلى طبقات حاملة الأمراض والميكروبات لأهلها، بحسب محمد سعيد، أحد سكان حارة الجبل بالمندرة. "مياه الصرف الصحي بقالنا شهور بنعاني منها، وزاد علينا مية المطر ومحدش بيسأل فينا، واللي كان في ميامي عندنا من قبلها ومحدش ولا عبرنا زيهم، ولما بنشتكي يجيبولنا عربيات الشفط ومبيعرفوش يدخلوا من ضيق الحواري، ومش لاقين حل"، حالة من المعاناة يعيشها الرجل الخمسيني كغيره من أهالي الحارات في المندرة، لم يجد حلاً فيها سوى مع قدوم الصيف، "حياتنا كلها مجاري في مجاري، ولما الشمس بتطلع كويس بترحمنا شوية من الريحة وكمية المية اللي بتبقى في الشارع، لكن غير كده عايشين في مية الصرف، لدرجة إن عيالي بخاف أخرجهم من البيت يلعبوا في الشارع زي بقية الأطفال من كتر المية اللي في كل حتة". يتمنى محمد وأهالي منطقته الاهتمام من المحافظ الجديد، لحل أزمة الصرف الصحي المتراكمة في شوارعهم بالأوباء التي لا تنتهي، "أملنا في المحافظ هاني يوسف لأن شكله كويس وهيعدل المايلة، بس ياخد باله مننا ومن الحواري اللي محدش شايفها، عشان إحنا أكتر ناس محتاجين اللي يرحمنا من مية المجاري، زي ما شالوها على طول لميامي لما طفحت المجاري فيها".