لافتة "شارك معنا".. استجابة مدرسة ابتدائية في الدقي لحديث الرئيس

لافتة ضخمة دوّنت عليها كلمات من الخطاب الأخير للرئيس عبدالفتاح السيسي، وأمامها علم مصر بطول مبنى مدرسة المعلمين الابتدائية في حي الدقي بالجيزة.. طريقة شارك بها المدرِّسون والعمال في المدرسة، الرئيس في طلبه بالدعاء لمصر. قبل يومين، جمع أحمد محمد، مُعلِّم، من زملائه تبرعات رمزية لعمل لافتة علم مصر.. بعد انتهاء حديث "السيسي" بيوم واحد، "اتفقنا بعد الخطاب إننا نعمل مشاركة وطنية مع كل كلمة قالها السيسي على مصر، ونفكر الناس إنها تدعي لها لأن كان واجب علينا نشارك بطريقة تليق بطلبه، ففكرنا نحط اللافتة على وجه المدرسة عشان كل اللي يعدي يشوفها ويشارك معانا". لم يجد "أحمد" أي صعوبات لقرار تعليق اللافتة على المبنى من إدارة المدرسة، ووافقت فورًا، "مفيش أي مشاكل حصلت لينا ولا من الإدارة ولا من أولياء الأمور ولا الطلاب، الكل كان مشاركنا القرار بالإيجابية، وعمال المدرسة هما اللي علقوها ومفيش ولي أمر يشوفها اللي لما يشكرنا عليها، وطلبوا إننا دائمًا نشارك في كل حدث لمصر بتعليق اللافتات". "شارك معنا، تحيا مصر، مصر فوق الجميع"، الكلمات التي اختارها ووضعها الرجل الأربعيني وزملاؤه المدرسين على اللافتة، ليشاركوا من خلالها "السيسي" في الدعاء لمصر، "اخترنا تحيا مصر اللي جمعتنا من البداية، والهدف ورا كلمة شارك معنا إن كل اللي يشوفها يشاركنا الدعاء لمصر، وبالتأكيد مصر فوق الجميع"، لم يقف دور "أحمد" وزملائه في توصيل رسالة العلم للطلاب فقط، لكنهم فكروا أن يوصلوا رسالة "ادعوا لمصر" للجميع، "إحنا دورنا من البداية معلمين بيوصلوا رسائل العلم بأمانة، وعشان كده اخترنا نكون سبب في توصيل رسالة الدعاء لكل مواطن يعدي من جنب المدرسة عشان يدعي لمصر".