عيد ميلاد "محمد" يتحول إلى مسيرة إخوانية: اتجمعوا على صوت الصواريخ

وسط الألعاب النارية والبالونات المضيئة وشماريخ أطلقها فى عنان السماء احتفل عيد فكرى، مواطن بسيط من الفيوم، بالعيد الأول لميلاد صغيره محمد، الاحتفال الذى تم فى الهواء الطلق، أمام محله فى الفيوم وبحضور عائلته، تحول فى غضون دقائق إلى أكبر تجمع لإخوان المحافظة، ممن ظنوا الشماريخ والصواريخ مسيرة من مسيراتهم، فانضموا لها رافعين علامات رابعة وصور مرسى. «محمد ابنى الأول اللى اتمنيته من الدنيا، وفرحتى بيه أول سنة ماكانتش تتوصف، فعملت حفلة قدام المحل فى الشارع والناس كانت مبسوطة جداً، وفجأة لقيت ناس داخلة علينا من بعيد بعلامات رابعة وبلالين صفرا وبتقرب من المحل على صوت الصواريخ اللى كنت بضربها، ولقيت عيد ميلاد ابنى اتقلب مسيرة للإخوان»، يروى الأب كيف أفسد الإخوان فرحته بابنه، فى البداية لم يدر «عيد» ما التصرف الأمثل، هل يغلق محله وينهى الاحتفال أم يترك مسيرة الإخوان بشارعه تمر من أمامه ويتجاهلها». موقف غريب من نوعه يقابله «عيد» للمرة الأولى فى حياته، رغم معرفته بأن جيرانه ينتمون للإخوان، يعلم جيداً فكرهم المتطرف: «لما دخلوا عليا فى عيد ميلاد ابنى اللى كنت بحتفل بيه فى الشارع، كنت فى الأول فاكرها مسيرة من مسيراتهم بس اكتشفت انهم اتجمّعوا على صوت الصواريخ اللى كنت بضربها فى الهوا وافتكرونى بجمّعهم زى ما بيعملوا مع بعض».