قلب طفلة.. قصيدة لـ"زهرة مصطفى"

طفلة جميلة غاوية تشخبط بالألوان ماسكة الورقة وماسكه الريشة وعاملة فيها كمان فنان قامت الصبح رسمت بدر عايم ع المية جواه قلب وسهم وحرفين رسمت لوحة يا دوب بلونين أبيض.. وأسود أبيض... شافت ضي لبكره جايب فرحة وضحكة وغنوة وأسود... شافت عز الليل اللي طول على الحلوين ليه مش راضي يروح ولا يرحل إمتى نهايته؟! مش عارفين!! كتبت تحت في طرف اللوحة ... بنووووته ... بس استنوا هناك ملحوظة أول حرف في قلب اللوحة { حرف الباء } يعني بحب الدنيا جميلة يعني جميلة كل الأشياء لما تشوفني بسمة بابا قبل ما يرحل مني هناك عند المولى والرزاق وحرفي التاني.. { حرف الزين } يعني زهرة عمري الغالية اللي جابتني للأيام وقالت.... عيشي وجربي حظك ودايمًا قولي.. حمدًا لله من لحظتها.... قلب الطفلة عايش جوايا مرة بيضحك.... ومرة يقول.... حمدًا لله شعر.. زهرة مصطفى