بالفيديو| ريهام سعيد: "متلخبطة ومش عارفة أعلن الحداد ولا التهاني"

قالت الإعلامية ريهام سعيد، معلقة على احتفال المصريين بأعياد الربيع وشم النسيم الذي واكب العديد من العمليات الإرهابية، والتي أسقطت شهداء جدد: "كنت متلخبطة جدًا النهارده.. مكنتش عارفة احتفل بالأعياد ولا أعلن الحداد، ولا كنت عارفة أقولكم كل سنة وأنتوا طيبين ولا أقولكم البقاء لله". وأضافت سعيد، خلال برنامجها "صبايا الخير" المذاع على قناة "النهار"، قائلة: "قررت أقول إن العالم كله بيشهد أن الشعب المصري شعب قوي ومثابر وسط الانفجارات وأرواح الجنود اللي بتستشهد كل يوم لسه مصممين نبني بلدنا، لسه مصممين إن إحنا نكبر ونتقدم لسه مصممين إن إحنا نكون أيد واحدة ونحافظ على تراب بلدنا"، متابعة: "كل سنة وإحنا بنبني ونحافظ على التراب والبلد والكرامة.. كل سنة وإحنا بنقول تحيا مصر".