الجلاد: الصيف اللي جاي كله ضلمة.. وولادنا داخلين على امتحانات ثانوية
قال الإعلامي مجدي الجلاد، رئيس تحرير جريدة "الوطن"، "كل مواطن من الـ90 مليون مصري بيرتكب أخطاء في حق مصر، وفي النهاية نبكي بسبب برج كهرباء في مدينة الإنتاج، بالعكس الناس هتستريح من القنوات والدنيا، لازم نعالج حالة الإظلام اللي جوانا دي"، مشيرا "زعلانين إن المدينة ضلمت؟ انتظروا الضلمة الأكبر، ووزير الكهرباء بيقول إن الصيف اللي جاي كله ضلمة".
وأضاف الجلاد، في برنامجه "لازم نفهم" على قناة "سي بي سي إكسترا"، أن "يوم السبت اللي فات وزير الكهرباء عقد اجتماع مع رؤساء شركات الكهرباء وقال لهم في الاجتماع إن الوضع خطير جدا في مصر، ولو معملناش حاجة قبل شهر 6 يبقى نقفلها ونمشي أحسن"، لافتا أن العجز الفعلي داخل وزارة الكهرباء 28% من الطاقة المطلوبة، وزادت نسبة العجز عن العام الماضي.
وتابع "مصر بقا تروح فين؟؟ وولادنا داخلين على امتحانات ثانوية عامة ووزير الكهرباء بيقول الكلام ده، يبقى عملنا إيه بقى؟".