والدة قاتل الطفلة زينة: "احتفلت بعيد ميلاد ابني بدموعي وخدته في حضني"
قالت الراقصة أماني كسبر، والدة محمود المتهم بقتل واغتصاب الطفلة زينة، إن الصورة التي تم تداولها لها على المواقع هي قديمة من تاريخ 20 فبراير، مضيفة: "أنا بروح لابني كل يوم أحد في الأحداث بالمرج، وفي عيد ميلاده جبت تورتة صغيرة وطفيتها بدموعي أنا وابني، وخدته في حضني وقلتله لو قتلتها قولي علشان ارتاح".
وتابعت كسبر، خلال حوارها ببرنامج "أجرأ الكلام"، مع الإعلامي طوني خليفة، والمذاع على قناة "القاهرة والناس 2": "محمود ابني اتعذب في القسم واتكهرب وناس كتيرة شاهدة على كده"، قائلة: "البنت جرحت قلبي وقلب الناس كلها ولو أنا مكان أمها هعمل أكتر من كده وحاسة بيها وأنا التمس ليها العذر".
وأوضحت: "إحنا كنا فاكرين إن البنت اتخطفت ومفكرناش إنها ماتت ومعقول إن ابني هيقتل ويدخل ينام بعدها ومعقول البنت تم اغتصابها وإلقائها بملابسها كاملة"، مؤكدة: "احترمت أحكام القضاء وأنا الآن أرفع قضيتي إلى قاضي السماء".