م الآخر| "واه يا خال" شعر
م الآخر| "واه يا خال" شعر
واه يا خال
كان لسة بدري على الرحيل
القعدة من غيرك عليل
كان لسة فيه كلام كتير
عن وصف مصر وشعبها
وعن اللى نهبوا أرضها
وعن جمال عبد الناصر
طال الغياب من أول يوم
وصلنى فيه الخبر المشؤم
مين بعد منك يقدر يعبر
عن اللى فينا وازاي يفسر
الحلم كان وياك بيكبر
والثورة بيك حفظوها أكتر
يا فرحة العواجيز يا خال
ريحتهم من حلم طال
برغم تجاعيد الزمن
زرعت جوانا الأمل
بنودعك والقلب ضاحك
علشان وجودك بينا ثابت
وايمانا دايما بالثوابت شئ بديهي
الجسم فارق بس روحك بينا عايشة
الكلمة من بعدك في حيرة بس عارفة
إن البداية يا خال دايماً من عندك انت!
