"المستريح": "طلعوني أسدد الفلوس.. في ناس عليها قروض ومش عاوز حد يتحبس"

استمعت محكمة جنايات المحكمة الاقتصادية، برئاسة المستشار أشرف عيسى، لحديث المتهم "أحمد م."، الشهير بـ"المستريح"، أثناء نظر أولى جلسات محاكمته بتهمة النصب على عشرات المواطنين. وقال المتهم للمحكمة، "كل المبالغ دي مش عارف جت إزاى.. وأنا بطالب بإخلاء سبيلي بأى ضمان تراه المحكمة أو وضعي تحت الإقامة الجبرية وبمراقبة الشرطة، خلوا الشرطة تحت بيتي ويناموا على السرير معايا، أنا لو كنت عايز أسافر كنت سافرت من زمان، سيبوني أسدد للناس دى فلوسها وأجيب كل المخالصات اللي تثبت ذلك". وأضاف "المستريح"، "عدد كبير من الضحايا أخدوا قروض من البنوك لاستثمارها، وإذا لم يتم تسديدها فى الوقت المناسب فيه ناس كتير منهم هيتحبسوا، وأنا مش عايز حد يتحبس بسببي، ومش هاكل حق حد، وكل الناس اللي قاعدة ها تاخد حقها حقنا للدماء، وأنا لو أي حد عايز يوصلي يتصل بيه في التليفون، أنا كنت قاعد في نادي الصيد، والنيابة كلمتني ورحتلهم، لكني فوجئت بأن الشرطة اقتحمت بيتي، وأخدوا أكثر من 600 شيك، وفيه منها شيكات اتكتبت باسمي، ومعرفش عنها حاجة".