الأولى على الثانوية الأزهرية أدبي: «كنت بذاكر اليوم كله.. وأهلي ساعدوني»
الأولى على الثانوية الأزهرية أدبي: «كنت بذاكر اليوم كله.. وأهلي ساعدوني»
- الثانوية الأزهرية
- أوائل الثانوية الأزهرية
- الأولى على الثانوية الأزهرية أدبي
- الثانوية الأزهرية
- أوائل الثانوية الأزهرية
- الأولى على الثانوية الأزهرية أدبي
قالت الطالبة هبة محسن سليم، الأولى على الشعبة الأدبية بالثانوية الأزهرية، إنها لم تتوقع حصولها على المركز الأول على مستوى الجمهورية، معربة عن سعادتها بمكالمة شيخ الأزهر الدكتور أحمد الطيب.
الالتحاق بكلية اللغات والترجمة
وأضافت هبة في حديثها لـ«الوطن»: «المذاكرة عندي أهم حاجة في حياتي ويومي كله كان للمذاكرة فقط وأهلى ساعدوني جدا على ده، وطموحي أدخل كلية اللغات والترجمة وأتخصص في الترجمة بعد كده لأني حابه المجال ده من زمان».
وقال والدها محسن سليم: «أجمل لحظة في حياتي لما كلمني الدكتور أحمد الطيب شيخ الأزهر حسيت بالفخر والاعتزاز، وكنت متوقع إن بنتى من العشرة الأوائل ولكن تفاجأت من الإمام أنها الأولى على الشعبة الأدبية».
وتابع: «بنتي كانت بتذاكر كتير جدا وكنت مشفق عليها من كتر المذاكرة ولكن الحمد لله ربنا عوض تعبها وخلاها القدوة لكل الطلاب وأتمنى كل الناس تشوف أولادها من الأوائل وربنا يوفق كل طالب علم، وطالما الطالب بيعمل اللي عليه ويجتهد ربنا بيكرمه وبيتفوق، وإحنا مكملين دعم وتشجيع ليها في كليتها بإذن الله».
