"لسه بتأثر فيّا".. قصيدة جديدة لـ"زهرة مصطفى"
"لسه بتأثر فيّا".. قصيدة جديدة لـ"زهرة مصطفى"
لسه بتأثر فيا
كل ما تشوفك عينيا
كل ما اسمع همس صوتك
افتكر لك كل لحظة
من بداية حلمى بيك
كل خطوة مشيتها ليك
من بداية كل نظرة
عيني شافت جوا عينك
كلمة كانت بتناديني
يومها قلت انك حبيبي
قلبي حس برعشه حلوة
لما ايدك في السلام
حضنت لي قلبي
جوا ايدك
اتواعدنا
اتباعدنا
اتخاصمنا
اتصالحنا
ولسه فى الأيام نعاند
وتعاندنا
مين قال الحب قوة
ده احنا مقدرناش نفارق
لما خدنا البعد منا
مقدرناش نهرب بروحنا
الأشواق بتنادينا
نعود لأول ما ابتدينا
والأيام تانى تهادينا
بالسؤال لو ننسى روحنا
أوعى نبقى ذكريات
خلي دايما بينا كلمة
تجمعنا تانى
مهما غبنا
