بالفيديو| شهود عيان يكذبون الأنصاري: الإسعاف رفضت نقل "المشرد" 3 مرات

قال أحد المواطنين الذين تواجدوا بجانب المشرد في منطقة جسر السويس "أنا شغال في الجراج ده والراجل كان نايم النومة بتاعته العادية، وبعدين اتصلنا بهيئة الإسعاف النهاردة وجم وقالوا إن ده متسول". وأضاف المواطن "أنا كنت لوحدي في الجراج وقلت للناس ياجماعة حد يروح معاه، ورفضوا أنهم ياخدوه، وكان عايش ساعتها وباين عليه التعب وحي من ساعتين بالظبط". فيما أضاف آخر، أنه "وقت آذان العشاء كان عايش وسألته يا حاج أعملك حاجة أو أجبلك حاجة؟ قالي لا مش محتاج حاجة". من جانبه، نفى الدكتور أحمد الأنصاري رئيس هيئة الإسعاف، واقعة مصرع مشرد في شارع عزيز المصري بمنطقة جسر السويس، بعد رفض الإسعاف نقله، قائلًا "نحن نستقبل أعدادا هائلة من المرضى مجهولي الهوية ويتم التعامل معهم بحرص وتقديم الرعاية الطبية لهم".