"معروف" أب باع عفش بيته وأخرج أبناءه من المدرسة ليعالج "مولودته"

الأب بين شقي الرحي، طفلة لم تتعدى الشهرين وفي حاجة عاجلة لجراحة، والفقر، الذي يهدد حياته وحياة أسرته بعد أن أقدم على بيع أثاث منزله ببورسعيد، وأخرج أولاده الثلاثة من المدرسة، لضيق ذات اليد أن يسددها. "من يوم ما بنتي فاطمة اتولدت وهما حجزنها في الحضانة، لأنها اتولدت قبل أوانها في السابع ومولودة بثقب في القلب والدكاترة بيقولوا ليا ان عندها كمان فيروس على صدرها، وكل دي مصاريف فوق دماغي وبعت عفش بيتي كله عشان اقدر اخليها جوه الحضانة في مستشفى ولادة بورسعيد لحد ما اتصرف بس مش عارف اجيب منين فلوس العملية". التقارير الطبية أكدت لـ"معروف"، الذي يعمل كـ"سنان أسلحة بيضاء"، صعوبة حالة "فاطمة" وأنها في حاجة عاجلة لجراحة تصل ثمنها لـ120 ألف جنيه: "الدكتور قالي مفيش حل غير في العملية ووجودها جوه الحضانة مجرد أيام وهتعدي، لكن الأهم دلوقتي العملية وانا فضلت ادور على مستشفيات حكومية كتير في اكتر من محافظة يقدروا يعملوا لبنتي العملية بثمن أقل وساعتها أوفر الفلوس اللي بدفعها في مدارس العيال وابيع الشقة وأعملها ليها بس منفعش، لأن العملية سعرها غالي عليا جداً وفي كل مستشفى أروحها تكلفتها واحدة". العلاج على نفقة الدولة هو الحلم الذي لا يغيب عن "معروف" وأسرته، حتى تعود الابتسامة لهما، فنفقات شراء الأدوية اليومية وسرعة إجراء العملية بات هماً ثقيلاً يجثم على صدر الرجل الأربعيني، "نفسي بنتي تعمل العملية وده مش هيحصل إلا لو الدولة ساعدتني، لأني راجل على قد حالي وكل اللي امتلكه ولا حاجة جمب ثمن علاجها والعملية اللي لازم تعملها، وكل يوم بتعيش في الحضانة بيكلفني فلوس كتير جداً ومش عارف لحد امته".