"مليونية مقاطعة شركات الاتصالات" يتصدر "تويتر" لإغلاق الهاتف 5 ساعات

تصدر هاشتاج "مليونية مقاطعة شركات الاتصالات" موقع التواصل الاجتماعي "تويتر" بعد الدعوة التي أطلقتها صفحة "ثورة الإنترنت" على موقع التواصل الاجتماعي "فيسبوك" للمطالبة بتحسين الخدمة، وتخفيض الأسعار بدلًا من صرف الملايين على الإعلانات، مطالبة بإغلاق الهواتف المحمولة من الساعة 5 مساء إلى العاشرة مساء. وقال أحد المستخدمين ويدعى "سيد": "هنقفل تليفوناتنا من الساعة 5 مساءً لحد الساعة 10 مساءً ونشيل الشريحة اعتراضًا على سوء خدمات الاتصالات والإنترنت، النهاردة الخمس ساعات دول لو تمت على نطاق كبير الشركات هتخسر ملايين، وهتعرف أنا احنا القوة وأن كلامنا هو اللي لازم يمشي وغصب عنها أسعار النت هتنزل والسرعات هتزيد زي ما ثورة الإنترنت طلبت، متسكتش على حقك و كفاية سلبية". وكتب "عمَّار": "أنا قافل موبايلات بيتنا كلها النهارده من 5 لـ 10"، وعلق "عزيز": "متضامن مع حملة مليونية مقاطعة شركات الاتصالات، وهقاطع وهقفل تليفوني من 5 إلى 10 مساء النهارده خليك إيجابي وشارك". وغرَّد "كريم" :"محدش يقدر ينكر أن فعلًا الشبكات زي الزفت وفي استغلال جامد وعشان كدا احنا لازم نقف مع بعض وننفذ المقاطعة".