مصر الحلوة.. شباب «فاعل خير»: هدفنا نشر الفكرة.. ولازم كلنا نساعد بعض

مع قدوم شهر رمضان قرروا تحقيق أعمال الخير فى شوارع القاهرة على المواطنين بمختلف الأطياف والأعمار بشكل جديد تحت شعار «فاعل خير»، التى انتشرت فكرتها كالنار فى الهشيم على مواقع التواصل الاجتماعى، لتحظى الفكرة فى أقل من يومين بآلاف الإعجابات ومئات المشاركات. محمد هاشم، أحد الشباب المتطوعين فى حملة «فاعل خير»، يؤكد أنه قرر الانضمام مع زملائه، ليحظى بثواب أعمال الخير فى الشهر الكريم التى يبتكرونها على غير العادة. حملة فاعل خير بس لما اقترحوها متحمستش للفكرة لأنى كنت متخيل أن تنفيذها صعب، لحد ما بدأت تتنفذ فى الشوارع والناس استجابت فقررت أشارك فى الآخر». مطالع عند الأرصفة المرتفعة لسهولة تحرك كبار السن، لافتات عند المطبات الصناعية تنبه المارة لتجنب الحوادث، شماعات على الأرصفة عليها ملابس، وثلاجة بها مأكولات ومشروبات نظيفة «ببلاش».. مجموعة ابتكارات من عمل الخير وضعها «محمد» وفريقه فى شوارع القاهرة مع قدوم الشهر الكريم، تقدم خدمات عامة لمختلف الأطياف، «بدأنا نجمع الفلوس ونستفيد بيها فى أعمال خير للناس كلها مش فئة بعينها، يعنى اللى معاه عربية يستفيد إننا خلناه ياخد باله أن فى مطب، والناس الغلابة تلاقى هدوم وأكل نضيف فى الشاعر»، سبب ما وراء شعار «فاعل خير» قصده «محمد» وفريقه لتشجيع المواطنين على توسيع الفكرة، «الفكرة مش منسوبة لحد بعينه أكتر من أننا فكرنا فيها والناس هى اللى حققتها فى الشارع وكملتها، ومن أهم الأسباب إنى اللى بيعمل خير مش بيكتب اسمه عليه، لأن الناس مش هتستفيد منها حاجة، إحنا هدفنا نشجع الناس تعمل الخير فى رمضان أو غيره». شيرين أشرف