من أهالى "منية النصر" إلى قوات الجيش: نشكركم على الثأر

حوادث إرهابية مفاجئة اعتاد المصريون الاستيقاظ والنوم على وقعها كل يوم، ورغم العمليات العسكرية العديدة التى كانت تتم رداً على عمليات التفجير والتفخيخ، فإن أهالى منية النصر بالدقهلية، ظلوا بانتظار رد حاسم يشفى صدورهم، عقب الهجوم الإرهابى على كمائن القوات المسلحة بشمال سيناء، أمس الأول. «تصفية 100 فرد من العناصر الإرهابية وضرب وتدمير معاقل تجمعاتهم».. جزء من نص بيان القوات المسلحة بعد الحادث الأخير فى الشيخ زويد ورفح، أثلج صدر محمد عرفان، أحد أهالى منية النصر، ودفعه لتنظيم وقفة شكر وتقدير لرجال القوات المسلحة على الضربات السريعة رداً على استشهاد 17 من أفراد الجيش أثناء قيامهم بأداء واجبهم الوطنى فى الكمائن الأمنية بسيناء: «الانفجارات اللى حصلت فى سينا وجعت قلوبنا، وكنا قاعدين مستنيين بيان القوات المسلحة من قبل الفطار، عشان يشفى غليلنا بعد الهجوم الإرهابى اللى حصل الصبح والعساكر الغلابة اللى ماتوا وهما صايمين، ولما تأكدنا إنهم ضربوا أماكن الإرهابيين وموتوا 100 ولسه بيمشطوا سينا نزلنا فى الشارع نشكر الجيش والسيسى ونطالب برد المزيد»، حسب «عرفان». أمام منفذ بيع السلع التموينية بمنية النصر، دعا الرجل الخمسينى وجيرانه أهالى المركز للوقوف تقديراً لجهود القوات المسلحة: «جمعنا نفسنا الصبح ونزلنا قدام مكتب التموين، لأن كل يوم بيبقى زحمة عشان نجمع أكبر عدد من أهالى المركز فى الوقفة اللى مايعرفوش بيها، وفيه ناس نزلوا لوحدهم من بيوتهم لما عرفوا بوقفتنا، عشان نشكر الجيش على الرد السريع والشهدا اللى ماتوا عشان يحمونا، ونطالب بتمشيط سيناء من الإرهابيين.