"إسكندرية فيها قرش".. حملة لتطفيش مصطافى "الملابس الداخلية"

بعد تداول صور لمصطافين بالإسكندرية وهم يرتدون الملابس الداخلية، ما أظهر المحافظة بصورة غير حضارية، نشر عدد من أهالى الإسكندرية صوراً أخرى لأسماك قرش، تحت عنوان «ظهور أسماك قرش فى شواطئ الإسكندرية»، وتداولوا فيديو لصيادى المكس وهم يقومون باصطياد القرش، وحددوا عدداً من الشواطئ كان من بينها الشواطئ التى تشهد إقبالاً كبيراً، فى محاولة لتطفيش المصطافين. وحاول الشباب من خلال الصور إرسال رسالة مفادها: «فروا هاربين، اوعوا تنزل بحر الإسكندرية كله سمك قرش»، لكن المُزحة تطورت، وصدقها كثير من الأهالى والمصطافين الخبر المفزع. قالت غادة الشيخ، من أهالى منطقة ميامى: «إحنا عندنا قرش، يلّا بقى امشوا، إحنا مش عارفين نصيف، الأطفال ماشيين من غير ملابس فى الشارع، وزحمة وزبالة فوق الحد، والمدينة بقت ريحتها وحشة». على الجانب الآخر، أكد الناشط السياسى والمصور سامح مشالى، لـ«الوطن» أنه شاهد بنفسه عربة «كارو» فى منطقة أبوالعباس بحرى، تحمل 7 أسماك قرش فى منظر غير طبيعى. «اللى بيحصل ده تهريج، شوية شباب بعد ما شافوا مناظر الفلاحين بالملابس الداخلية والكورنيش اللى مليان زبالة، حبوا يطفشوهم من إسكندرية، فاخترعوا موضوع القرش»، هكذا علق اللواء أحمد حجازى، رئيس الإدارة المركزية للسياحة والمصايف بالإسكندرية، لـ«الوطن» حول الصور المنتشرة لأسماك القرش على شواطئ المدينة.