رانيا فريد شوقي عبر «بودكاست المتحدة»: البحر والموسيقى مصدر راحتي
رانيا فريد شوقي عبر «بودكاست المتحدة»: البحر والموسيقى مصدر راحتي
كشفت الفنانة رانيا فريد شوقي، عن الأشياء التي تجعلها تشعر بالراحة والهدوء، قائلة: «أنا نسيت الإحساس ده، بس ممكن البحر أو الموسيقى، لما تكون قاعدة في مكان هادي مش لازم بحر، لكن المهم يكون فيه هدوء عشان تستمتع بالطبيعة، ده بيبقى لطيف جدا»، مشيرة إلى أن تامر زوجها، يحب الموسيقى أيضا، ويجد فيها راحته.
تامر الصراف: الزمالك والشاي باللبن سر راحتي
من جانبه، تحدث زوجها تامر الصراف، خلال استضافتهما في بودكاست الشركة المتحدة «ع الرايق»، تقديم خالد عليش ومريهان عمرو، برعاية البنك الأهلي، عن الأشياء التي تجعل يومه أكثر هدوءًا، قائلا: «الزمالك لو كسب، كده يومي بيكون جميل، وأيضا عندي حاجات كتير من الروتين اليومي زي كوباية الشاي باللبن بتاعتي الصبح، دي حاجة مش بغيرها»، فقاطعته رانيا مازحة: «مسمياها الرضعة.. مش بحبها»، فرد عليها تامر: «ده إدمان، اليوم ما بيبدأش من غيره، ودي المشكلة الوحيدة في الصيام».
الموسيقى والمسلسلات: تفاعل يومي مع الراحة
وشدد «الصراف» على أن رانيا تشعر براحة كبيرة عندما تستمع إلى الموسيقى أو مسلسل على منصات الديجيتال، وتدخُل في «المود»، وتستمتع بكل لحظة في متابعة المسلسل، متابعا: «أنا معاها بنام في الحلقة التانية».
