«عايز من مصر» ضد «هتفرح أكتر لو».. الفرحة تهزم الخوف

09:47 ص | الجمعة 07 أغسطس 2015

«عايز من مصر» عنوان لهاشتاج بموقع التواصل الاجتماعى «تويتر» تخطى به المعلقون مرحلة: «افتتاح القناة الجديدة» لما بعدها، معلنين عن أمنياتهم وما ينتظرونه خلال السنوات المقبلة، لكنه لم يكن الوحيد الذى حظى بمشاركات جعلته على قمة هاشتاجات مواقع التواصل، فالمتشائمون أيضاً انضموا ودخلوا على الخط بهاشتاج آخر باسم «مصر هتفرح أكتر لو..».
ضمن فريق المتفائلين، قال «الملازم» على هاشتاج «عايز من مصر»: «نفسى لو سافرت فى يوم، أرجع وأقول بلدى أحسن مليون مرة من برة، من شدة التقدم والنظافة»، واعتبر «أسامة» أنه آن الأوان لكى تتحقق آمال المصريين وأحلامهم: «نفسى نبطل نسمع مصر عايزة وادفع عشان مصر واتبرع عشان مصر وانزل عشان مصر، عاوز مصر هى اللى تقدم لى حاجة بقى»، فيما لخص «شريف» أمنياته ببساطة: «عايز من مصر شغلانة بدل شبابى اللى عمال يروح قصاد عينى، وأنا قاعد لا شغلة ولا مشغلة».
التطلع لمستقبل أفضل، ركز على ضرورة زيادة الاستخدام التكنولوجى خلال الفترة المقبلة، قالت «منى»: «يا ريت مصر تطبق النظام الإلكترونى وتدخل التكنولوجيا فى كل التعاملات، ويلغوا الورق ده خالص، وعاوزة كمان قطر سريع حقيقى زى الدول المتقدمة»، مطلب التكنولوجيا والتخلص من الروتين و«تنابلة المكاتب» الذين يزيد عددهم على الحاجة، بدا مطلباً جماعياً تضمنته العديد من التغريدات، شيماء أحمد كتبت: «عايزاها تفوق لنفسها، وتبطل تستوعب ناس شغلتهم قعدة المكاتب، يمضوا حضور وانصراف ويسرقوا مرتباتهم على الفاضى من جيوبنا».