بعد تهديد عمرو محمود ياسين لـ«ليل وفارس» في وتقابل حبيب.. الجمهور: «قادر وتعملها»
بعد تهديد عمرو محمود ياسين لـ«ليل وفارس» في وتقابل حبيب.. الجمهور: «قادر وتعملها»
بعد مشهد نظرات «ليل» في نهاية الحلقة التاسعة من مسلسل وتقابل حبيب، تفاعل المؤلف عمرو محمود ياسين، عبر حسابه على منصة التواصل الاجتماعي «فيسبوك»؛ إذ توعد لهما في الحلقات المقبلة، وكتب: «إيه هتحبوا بعض ونقضي أوقات لذيذة وكده؟؟ أنتوا فاكرنها فوضى؟، ده احنا لسه ماجبناش 10 رمضان.. وأنا هادم الملذات ومفسد اللحظات السعيدة».
الجمهور يطالب عمرو محمود ياسين بأحداث مشوقة بين ليل وفارس
تفاعل الجمهور على منشور عمرو محمود ياسين، بعد تهديده الكوميدي لـ«ليل» و«فارس»، خلال الأحداث القادمة من مسلسل وتقابل حبيب: «قادر وتعملها بس حرام عليك»، «آه والله مالكش آمان بس علي رأي الأغلبية سيبنا نفرح شوية»، «أيوه سيبهم يحبو بعض»، «يعني ليل مكملة عياط معانا لحد أنهي حلقة»، «عارفة والله مش هتسبهم في حالهم»، «أيوه عايزينهم يحبوا بعض وعايزين رقية تبهدل العيلة دي وتجيب مناخير أم يوسف في الأرض، وعايزه اعرف الباشا ده وراه إيه المجرم رئيس العصابة».
وتتابعت التعلقات على تهديد عمرو محمود ياسين: «يارب يعوضها علي اللي شافته لا وبعدين هما لايقين على بعض أوي»، «روق يا عمرو ربنا يهديك كفاية صراعات عايزين نفرح»، «ماحنا مش هنقضيها كآبة عايزين نفرح بقى»، «والنبى لا بلاش تهدم اللذات كفاية عليها اللي حصل من أبو العزم ومراته وعياله».
أحداث الحلقة السابقة
وكانت الحلقة التاسعة في مسلسل وتقابل حبيب كشفت، عن عودة «ليل» للحياة بشكل جديد واستعادة طاقتها بعد الانفصال، من خلال علاقتها مع بناتها وآدم نجل شقيق طليقها «فارس أبوالعزم»، وتغيرت ملامحها إلي البهجة وحب الحياة، بعد الصدمة الكبيرة وحالة الحزن التي كانت تسيطر عليها بعد انفصالها وعلمها بخيانة زوجها يوسف أبو العزم، وزواجه عليها من رقية العسكري (نيكول سابا).
