رحلة ملابس الإحرام من مصانع المحلة إلى بيت الله الحرام.. خيوط من نور
رحلة ملابس الإحرام من مصانع المحلة إلى بيت الله الحرام.. خيوط من نور
من قلب المصانع التى لا تهدأ، لا تنسل الخيوط هباءً من يد صناعها، لكنها تغزل ملبساً يسافر إلى بيت الله الحرام، يأتيه مُحمَّلاً بروائع غزل ونسيج المحلة، والكثير من الدعوات والترديدات: «يا رايحين للنبى الغالى.. هنيالكم وعقبالى»، لا يفرق «ابن المحلة الكبرى» ما بين دقات القلوب وضجيج المكن النحاسى القديم والمعدات الحديثة داخل المصنع العتيق، ليرى بعينيه الخيوط القطنية أو المختلطة تتحول فى عملية سحرية وتصبح إحراماً ناصع البياض؛ صناعة يقوم عليها الحاج محمد الزهار، منذ أن شَبَّ ووجد عليه سلسال عائلته، وتوسع حتى أصبح اسمه علامة فى هذا المجال، يشترى منه التجار وشركات السياحة ويخرج أيضاً بمنتجاته للبلدان العربية لكسب الرزق فى مواسم الحج والعمرة.
حكاية ملابس الإحرام
يحكى «الحاج محمد»، فى حديثه مع «الوطن»، أن مصنعهم بدأ فى أواخر التسعينات بفتوى من الأزهر الشريف لتجهيز وصناعة الإحرام، وهو فى هذه الصناعة ورثها أباً عن جد، يسرى فى دمائه حب النسيج ويعشق سماع صوت المكن رغم كرهه للضجيج، مع الوقت أصبح يندرج تحت اسمه أكثر من ماركة واسم، لكنه فى النهاية المشرف عليها.
تبدأ صناعة بشكير الإحرام فى المصنع بداية من تسلُّم الخيوط «الفتلة» وتجهيزها، ثم دخولها مكن النسيج، وبعدها عملية كبسلة لأطراف البشكير اليمين واليسار، موضحاً: «وده يعنى يتعمله كباسين وده بالنسبة للى عايز بشكير مجهز، لكن اللى عايزه عادى بيلفه بطريقة معينة أو بيعمله حزام ده بالنسبة للمخلوط، أما البشكير القطن فبياخد نفس الخطوات لكن قبل التجهيز أو مرحلة النسيج علشان يبقى بشكير، فى مرحلة الصباغة بيروح يبقى أبيض ناصع وبعدين نجهزه بنفس خطوات المخلوط سواء هيكون بشكير عادى أو بكباسين».
ويصنع «الحاج محمد» البشكير من خامتين؛ واحدة قطن 100% وأخرى مخلوطة، يتم التنفيذ حسب رغبة الزبون سواء كان شخصاً عادياً أو تاجراً أو شركات سياحة، ويتم تحديد السعر بناء على الخامة والوزن، حيث إن القطن أغلى 200 جنيه من المخلوط، والأخير هو الأكثر طلباً؛ تشتريه شركات السياحة لتقديمه هدية للعملاء للترويج لها، أما الزبون العادى فيشترى القطن.
الاختلاف بين الإحرام القطن والمخلوط
وتختلف رغبة الزبون فى شراء بشكير الإحرام القطن أو المخلوط حسب الحالة المادية أو اعتقادات أخرى، موضحاً: «فيه تفاوت كبير فى الأسعار بين القطن والمخلوط، فرق بينهم 200 جنيه، ده بيوفر للزبون، وفيه زبون معاه وبيشترى إحرام سواء قطن أو مخلوط ويسيبه هناك، لأن عنده اعتقاد لو عمل كده هيرجع تانى للنبى».
ويصنع «الحاج محمد» الإحرام بموازين مختلفة يحكى عنها: «فيه له موازين، فيه ناس عايزة حاجة خفيفة وفيه تقيلة وده بيفرق فى السعر، فيه كيلو وفيه كيلو و200 جرام وفيه كيلو ونص، والأكتر فى الطلب المتوسط كيلو و200 جرام سواء قطن أو مخلوط»، وحسب الطلب أيضاً يُصدَّر للخارج، حيث يقول إنه فى أوقات يُطلب منه تصدير للسعودية وغزة وليبيا.
ويسترجع «الحاج محمد» ذكريات أول قطعة صنعها، أنها كانت فى وقت ضيق ولم يبع القطع بسبب استكفاء الناس والتجار والشركات من الشراء: «ذكريات أول قطعة، كانت بدايتى فى وقت ضيق شوية والشغل اتركن معرفتش أبيعه، بس بعد كده ربنا كرم، زى الوقت ده الناس استكفت والشركات والتجار، بس ممكن بعض الشركات بتطلب حاجات سريعة، ويبدأ الطلب من موسم العمرة فى مولد النبى وبعدين رجب وشعبان ورمضان والحج، وفيه وقت زى كده اللى بيتعمل بيكون بالطلب حاجات قليلة جداً علشان ماتتركنش».
