السيسي لصيادي البحيرات: تعاونوا معنا لزيادة الإنتاج وتحسين حياتكم
السيسي لصيادي البحيرات: تعاونوا معنا لزيادة الإنتاج وتحسين حياتكم
قال السيد الرئيس عبدالفتاح السيسي إن نحو 14 بحيرة في مصر، وهي ثروة محتملة للدولة والعاملين بالمجال، موضحا: «العمال في بحيرة ناصر 3500 صياد، وبقول للناس في البحيرة طول ما إحنا مبتسخدمش طرق صيد جيدة ومبنستخدمش طرق جيدة لتنمية الثروة هتفضل أنت كصياد دخلك محدود، بقولك كدة علشان تتعاون معايا وتصبر معايا سنة ولا اتنين علشان البحيرات فيها نظام بيئي لازم نحافظ عليه علشان إنتاجها بدل ما يكون 20 أو 30 يبقى 60 أو 80».
وأضاف الرئيس، خلال فعاليات موسم حصاد القمح 2025، في مشروع «مستقبل مصر» للإنتاج الزراعي بمنطقة الضبعة: «لما فقدنا السيطرة وبقى فيه عمل عشوائي في البحيرات تراجعت وإنتاجها تراجع، علشان كدة تعاونوا معانا، وكذلك بحيرة المنزلة اللي وصلت 200 ألف فدان، وعملنا هناك تكريك في البحيرات وشلنا المخالفات من هناك علشان نغير بيئتها، لو إنتو كصيادين متعاونتوش معانا إنتاجها هيفضل محدود، بخاطب ضماير الناس وبخاطب مسؤولين الحكومة وأجهزة الدولة، إحنا مش جايين غير علشان نزود الإنتاج ونحسنه ونحسن حياتكم، وصدقونا وثقوا فينا وساعدونا علشان إنتو بتاخدوا الحد الأدنى من الإنتاج».
