وئام مجدي بعد وفاة جدتها: «أنا قلبي زعلان»
وئام مجدي بعد وفاة جدتها: «أنا قلبي زعلان»
حرصت الفنانة وئام مجدي، على توجيه رسالة لجدتها الراحلة، خلال الساعات القليلة الماضية، حيث نشرت فيديو لهم مع بعض، عبر حسابها الرسمي على موقع الصور والفيديوهات «انستجرام».
وئام مجدي توجه رسالة لجدتها بعد وفاتها
وعلقت وئام مجدي:«قد إيه أنا ممتنة لتيتة وأيامي معاها.. مبسوطة إني كنت دائما بحب اسمعها وهي موجودة، وإن هي سبب إني أبقى أحسن.. مكنتيش جدة كنتى صاحبتي الأحلى والأقرب، كنتي سبب إني أطلع من حتة ضلمة أوي وزعل لضحك وهزار، وحب ناس، محظوظة بيكى وبلذاذتك وبحب الدنيا كلها ليكي.. آه أنا قلبي زعلان أوي، لكن إنتي مكنش ينفع تتعبي أكتر من كده.. إنتي متستهليش غير أن وشك ده يضحك، وده كان سبب الفيديوهات.. أنا واحدة كان عندي اكتئاب من ظروف».
وأضافت:« عيشنا سوا سنين حولنا ده لـ أيام ضحك، وحب الناس اللي كان ملوش آخر، بس آخر كام شهر نفسى أنساهم من حياتي من العذاب اللي شوفتك فيه، واستسلام أني أتفرج عليكي وإنتي بتمشي، ولا يا وئام الموضوع مسألة وقت هي مش هتبقى كويسه».
وتابعت وئام مجدي:«شكرا على الأيام الحلوة الكتير أوي، وعلى الضحك كنت بقول امبارح وأنا جنبها إنتي طول الوقت لآخر لحظة بتندهي وئام وئام، إنتى الناس زعلت عليكي كأنك من عليتهم، أنا من يومها لحد دلوقتي جالي أكتر من 60 ألف رسالة الناس بتعزيني فيكي».
وئام مجدي تدعو لجدتها
واختتمت وئام مجدي حديثها: «ربنا يرحمك يا حلوة.. وإنتى معايا وهفضل أشوفك وأنزل كل حاجة حلوة بينا.. علشان إنتي مش هتبقى وقت مؤقت في حياتي.. إنتي مكملة معايا طول عمري بس بقولك إيه برضو مش هتجوز يا تيتة، وزي ما كنتي بتقوليلي انتي حبيبتي لا ده انتي اللي حبيبتي وحبيبة عمري كله، بحبك».
