خيري رمضان يشيد ببطل حريق العاشر من رمضان: خالد عبد العال قدم درسا في التضحية
خيري رمضان يشيد ببطل حريق العاشر من رمضان: خالد عبد العال قدم درسا في التضحية
أشاد الإعلامي خيري رمضان بالشجاعة الكبيرة التي تحلّى بها سائق شاحنة نقل الوقود خالد عبد العال، بعد أن أنقذ مدينة العاشر من رمضان من كارثة محققة كادت تودي بحياة العشرات، قائلاً: «مصر مليانة رجالة بجد، مش اللي بيتصدروا الترند، الرجالة اللي لما بتحصل أزمة تلاقيهم في وش النار».
السائق أنقذ حياة العشرات
وأضاف «رمضان»، خلال تقديم برنامجه «مع خيري»، عبر شاشة «المحور»، قائلا: «زمان كنا نقول على اللي بيراعي ضميره في شغله (أسطى).. وخالد عبد العال فعلاً أسطى من زمن الرجولة، راجل بيقود تريلا محملة بالبنزين، ولما اندلع حريق بالقرب من العربية، ما جريش، ما هربش، واجه النار علشان ينقذ الناس»
وأوضح «رمضان» قائلا «خالد بدل ما يهرب بحياته، قرر يتحرك بالشاحنة المحترقة بعيدًا عن المحطة السكنية، مضيفًا: «خالد جرى بالعربية وهي بتولع، ورافض ينط منها علشان ما تتفجرش وسط الناس، ده مش بس تصرف بطولي، ده درس في التضحية».
وأكد «رمضان»، أن سيارات الإطفاء تمكنت من السيطرة على الحريق، لكن خالد أصيب بحروق خطيرة وتم نقله للمستشفى، موجهًا رسالة مؤثرة لابن السائق، قائلًا، :«ارفع راسك فوق، وافتخر إنك ابن الراجل اللي شاف الموت، وقرر ينقذ غيره قبله».
وشدد الإعلامي خيري رمضان، على ضرورة تكريم خالد عبد العال رسميًا، قائلًا: «ده نموذج لازم يتكرم من أعلى جهة في الدولة.. مش لأن ده شغل فردي، لكن لأنه معنى، معنى الرجولة والبطولة اللي إحنا مفتقدينها وسط عالم بيحتفل بالتفاهة».
