وزعا حلوى وعيديات على المصلين.. «عائشة» و«عهد» شقيقتان ينشران البهجة في كفر الشيخ
وزعا حلوى وعيديات على المصلين.. «عائشة» و«عهد» شقيقتان ينشران البهجة في كفر الشيخ
فرحة كبيرة عاشتها السيدات وأطفالهن أثناء أداء صلاة عيد الأضحى المبارك في الساحة المخصصة لهن بنادي بيلا الرياضي بمحافظة كفر الشيخ، بعدما قامت الشقيقتان عائشة معاني رخا، 7 أعوام، وعهد معاني رخا، 4 أعوام، بتوزيع العيديات والحلوى والبلالين على الأطفال أثناء صلاة العيد.
توزيع العيديات والحلوى والبلالين على الأطفال
قبل أيام من حلول عيد الأضحى المبارك، استعدت الدكتورة مروة البرعي، والدة «عائشة» و«عهد»، لهذا الموسم من خلال توفير جنيهات كثيرة لتوزيعها كعيديات بجانب الحلوى والبلالين التي وزعت على الحاضرين: «مش أول مرة نعمل كده احنا متعودين إننا في صلاة العيد بنوزع عيديات وبونبوني وبلالين عشان نفرح الأولاد في صلاة العيد، وبناتي هما اللي بيوزعوا وبيكونوا فرحانين أوي، وبينتظروا العيد عشان كده».
ذهبت الشقيقتان «عائشة» و«عهد» مبكراً إلى ساحة صلاة عيد الأضحى بصُحبة والديهما وشقيقيهما، لحجز مكانهما في الصفوف الأولى ليكونا قريبين من الجميع بحسب ما ذكرته والدتهما: «روحنا ساحة صلاة العيد بعد الفجر على طول لأن البنات بيكونوا عايزين يعيشوا الأجواء الحلوة دي، ويقابلوا السيدات المصليات وأطفالهم، وحقيقي الفرحة بتشمل الجميع».
«عائشة» و«عهد»: بنكون فرحانين لما بنشوف الناس فرحانة
تنتظر «عائشة» و«عهد» هذه الأيام من كل عام لإدخال الفرحة على قلوب من حولهم: «بنكون فرحانين لما بنشوف الناس فرحانة، واخواتنا الصغيرين اللي بنوزع عليهم العيديات والبونبوني والبلالين لما بيتلموا حوالينا بنكون فرحانين بردو، احنا بنحب العيد أوي، وياريت السنة كلها تكون عيد».
يحرص والدا «عائشة» و«عهد» على تعليمها حب الغير، وإدخال السرور على قلوب من حولهم، وفقاً لما ذكره الدكتور معاني رخا، والد الشقيقتان الصغيرتان: «بنعلمهم حب الغير، وكل عيد لازم نديهم عيديات وبونبوني وبلالين يوزعوها على الأطفال اللي زيهم عشان يفرحوا غيرهم، وإن شاء الله مستمرين».
