«ممر شرفي».. طلاب يحتفلون بزميلهم حملاً على الأعناق
«ممر شرفي».. طلاب يحتفلون بزميلهم حملاً على الأعناق
أمام كلية الهندسة بجامعة كفر الشيخ، وقف مجموعة من الطلاب في صفين، ونظموا ممراً شرفياً للاحتفاء بزميلهم محمد الشافعي، الطالب بالفرقة الأخيرة بقسم الهندسة المدنية، نظراً للمجهودات التي قام بها في سنوات الدراسة.
ارتدى الطلاب تيشرتات موحّدة، وكانت علامات السعادة والفرحة تسيطر عليهم عندما نظموا الممر الشرفي لزميلهم، وحملوه على أعناقهم في آخر أيام الامتحانات بالكلية، والتقطوا الصور التذكارية معه.
أراد الطلاب أن يردّوا الجميل لزميلهم، نظراً لتعبه معهم أيام الدراسة، فقرّروا إدخال السرور على قلبه من خلال مظاهر حُب بسيطة، وفقاً لما ذكره عمر البدالي، أحد طلاب الفرقة الأخيرة بكلية الهندسة بجامعة كفر الشيخ، لـ«الوطن»: «حقيقي مفيش كلام يوصف اللي عمله معانا أخونا وزميلنا الغالي محمد الشافعي، 5 سنين وهو بيساعدنا وبيشرح لنا كل المواد اللي مش عارفين نذاكرها أو المحاضرات اللي فاتتنا في الكلية، وعمره ما اتأخر على حد فينا».
خدمات مختلفة قدّمها الطالب لزملائه، منها تلخيص المحاضرات، وشرح المواد التي يصعب عليهم فهمها، حسب محمد العليمي، أحد الطلاب: «محمد كان دايماً معانا وجنبنا، كان بيذاكر لنا ويفهمنا، وعمره ما بخل بوقته أو بعلمه على حد فينا، ووقف معانا كتير، ماكانش مجرد زميل أو صاحب، إنما كان أخ وسند، ومهما نشكره مش هنوفّيه حقه أبداً».
حالة من الفرحة والسعادة سيطرت على محمد الشافعي، عقب احتفاء زملائه به: «مش أول مرة يعملوا معايا كده، دايماً مقدريني ومفرحيني، وأنا ماعملتش معاهم غير الواجب واللي المفروض يتعمل، لأنهم إخواتي قبل ما يكونوا زمايلي، وفرحان أوي بتخرجنا السنة دي الحمد لله، وإن شاء الله ربنا يوفقنا ونشتغل مع بعض بعد التخرّج».
