ندا صابر الأولى على التعليم الفني بالسويس: «ربنا مضيعش تعبي»
ندا صابر الأولى على التعليم الفني بالسويس: «ربنا مضيعش تعبي»
قالت الطالبة ندا صابر، الأولى على مستوى محافظة السويس في الدبلومات الفنية بنسبة 96.98٪ في الدبلوم الفندقي نظام الخمس سنوات، قسم إنتاج الأغذية، إنها كانت متأكدة من وجودها بين الأوائل.
ندا: ربنا مضيعش تعبي
وأضافت «ندا»: «لحظة إعلان نتيجة الدبلومات الفنية كنت حاسة إن ربنا مش هيضيع تعبي، وكنت متأكدة إني هكون من الأوائل، بس بصراحة مكنتش متخيلة أكون الأولى.. كانت فرحة عمري»، مؤكدة أنها كانت تتلقى الدعم من كل أفراد أسرتها، وتحديدا شقيقتها الكبرى: «نورا كانت دايمًا السند والدعم ليا في كل لحظة، هي قدوتي وفرحتي.. دايمًا بتدعمني وبتفرح لي، ومفيش لحظة نجاح عدت من غير ما تكون فيها جنبي».
ووجهت الأولى على السويس رسالة إلى الطلاب الجدد، قائلة: «التعليم الفني مش أقل من أي حاجة.. اجتهدوا وآمنوا بنفسكم، ومحدش هيقدر يوقف حلمكم.. التعب بيجيب نتيجة».
والدا الطالبة يحتفلان بنجاحها
كما علقت والدة ندا على نجاحها ووجودها ضمن أوائل الدبلومات الفنية، قائلة: «بنتي من وهى صغيرة دايما كانت بتراهن إنها تطلع من الأوائل، وأنا كنت دايمًا واثقة في ده، وسنين تعبها النهاردة اتكللت بالنجاح».
وفي ذات السياق، احتفل صابر والد الطالبة ندا بنجاح ابنته، قائلا: «كنت في الشغل والمدير قالي روّح بيتك.. احتفل ببنتك زي ما هي فرحتك وفرّحت السويس كلها».
