محمد علي رزق: شخصية «منعم» في مسلسل فات الميعاد أكثر الأدوار غرابة

قال الفنان محمد علي رزق إن شخصية «منعم» التي قدمها في مسلسل «فات الميعاد» تُعد من أكثر الشخصيات غرابة وتركيبًا التي تعامل معها، مشيرًا إلى أن العلاقة بين «منعم» وزوجته «سماح» تحمل تركيبة عاطفية ونفسية غير تقليدية، لكنها واقعية وموجودة في الكثير من البيوت المصرية.

طريقة كتابة المسلسل جعلت العمل مختلفا

وأكد «رزق» خلال لقائه في برنامج «صاحبة السعادة» الذي تقدمه الإعلامية إسعاد يونس على قناة DMC، أن الطابع العام للمسلسل، خاصة طريقة التناول والكتابة، منح العمل طعمًا مختلفًا حتى وإن بدت القصة تقليدية، موضحًا: «الكتابة كانت محبة جدًا، حتى شخصية عبلة اللي المفروض إنها النمط اللي متعودين نشوفه، جت بطريقة غير متوقعة تمامًا، وده بيحصل في كل مشهد».

وحول شخصية «منعم» في «فات الميعاد» ، قال: «هو أطيب إنسان ممكن تقابليه، لكنه طموحه أكبر من قدراته، بيحلم يبقى رجل أعمال كبير، بس مش عارف يوصل ده إزاي. عنده خطط كبيرة جدًا لحاجات بسيطة زي باكيت لبس أو محل فول وطعمية، وعايز يفتح فروع في كل مكان، بس بطريقة عشوائية بيوقع اللي حواليه في مصايب».

علاقة «مسعد» و«عبلة»

وأشار إلى أن «منعم» في علاقته مع «عبلة» ثم «سماح»، كان دائمًا ينجو من الأزمات بفضل وجود سيدة قوية تلملم شتاته، مضيفًا: «عبلة كانت دايمًا بتلحقه، ولما سماح دخلت حياته كملت الدور، عشان كده بيحبها بنفس الطريقة، وبيخاف منها زي ما كان بيخاف من عبلة، أول ما ترفع حاجب بيكش ويجيب ورا».