كتبت: منة الله وليد

قالت الإعلامية منى عبد الغني، في برنامج «الستات مايعرفوش يكدبوا» على شاشة قناة «سي بي سي»: «زي ما إحنا متعودين كل صيف، ومع انطلاق النسخة الثالثة من مهرجان العلمين الجديدة والموسم السياحي اللي بيجذب آلاف الأسر والسياح من كل مكان، وزارة الصحة المصرية كانت حاضرة كعادتها وموفّرة سياراتها المتنقلة اللي بتقدم الخدمات الطبية السريعة والعاجلة في قلب المدينة وعلى الممشى السياحي وبين الأبراج الجديدة».

عربات الإسعاف موجودة بأي وقت للخدمات الطارئة

وأضافت الإعلامية: «التقرير اللي معانا من هناك بيكشف لنا إزاي عربات وزارة الصحة واقفة في أماكن التجمعات الكبيرة، علشان تكون دايما جاهزة لأي طارئ يحصل، سواء إجهاد من الحرارة، أو إصابات بسيطة، أو أي حالات صحية محتاجة تدخل سريع».

وقال أحد أفراد الأطقم الطبية، في التقرير: «إحنا بنوفر الرعاية الطبية لكل المصطافين، وفيه سيارات متنقلة منتشرة في شوارع العلمين الجديدة، عشان نكون قريبين من أي حد يحتاج مساعدة صحية بسرعة».

الإحساس بالأمن للأسر هو غرض الصحة

وتابعت منى عبد الغني: «الهدف الأساسي من وجود العربات دي، هو إن الناس تستمتع بالصيف والمهرجان والمصيف، من غير ما يشيلوا هم أي حاجة صحية، وده فعلا بيدّي إحساس بالأمان لكل أسرة رايحة تقضي وقتها في واحدة من أجمل المدن السياحية بمصر».

• العلمين الجديدة
• مهرجان العلمين