«عرفت النتيجة من الوطن».. رد فعل غير متوقع من «سلمى» الأولى على الثانوية العامة أدبي
«عرفت النتيجة من الوطن».. رد فعل غير متوقع من «سلمى» الأولى على الثانوية العامة أدبي
«ده بجد.. أنا طلعت الأولى فعلا».. هكذا كان أول رد فعل قامت به سلمى أحمد السيد ابراهيم السيد طه، الأولى على الثانوية العامة شعبة الأدبي 2025، بمجموع 318 درجة، عندما تواصلت جريدة الوطن معها، إذ أبلغتها بتفوقها الدراسي فور الإعلان عن قائمة أوائل الثانوية.
تصريحات الأولى على الثانوية العامة لـ«الوطن»
وخلال حديثها لـ«الوطن»، عبرت الطالبة سلمى أحمد السيد ابراهيم السيد طه، الأولى على الثانوية العامة 2025 عن سعادتها الغامرة بعد إعلان النتيجة رسميًا، مؤكدة أن تعبها طوال العام الدراسي توج بتحقيق حلمها، مضيفة: «كنت بذاكر أول السنة 4 ساعات في اليوم، وبعد كده زودت المدة وبقيت بذاكر 5 أو 6 ساعات، وكان عندي أمل إني أكون من الأوائل، والحمد لله اتحقق».
سلمي: بحب الأدب الروسي
وأكملت «سلمى» حديثها: «نفسي أدخل كلية الألسن وأتخصص في الأدب، وبالتحديد الأدب الروسي.. أنا بحب الأدب جدًا، وعندي شغف بالقراءة في مجالات مختلفة، أهلي كانوا دايمًا أكبر داعم ليا، رغم إن كان نفسهم أكون دكتورة، لكن لما شافوا حبي للأدب شجعوني على حلمي، وبابايا ومامتي كانوا دايمًا بيقولولي شدي في أي حاجة تدخليها».
واختتمت تصريحاتها قائلة: «دلوقتي حاسة بفرحة كبيرة، وحابة أشكر كل اللي وقفوا جنبي وشجعوني، وربنا يفرح كل الطلاب اللي تعبوا واشتغلوا على نفسهم».
