تامر حسني يعلق على تصنيف ألبومه «لينا معاد» في الترند: «مش رقم 4»
تامر حسني يعلق على تصنيف ألبومه «لينا معاد» في الترند: «مش رقم 4»
أعلن الفنان تامر حسني عبر خاصية «ستوري» على حسابه بموقع تبادل الصور والفيديوهات «إنستجرام» غضبه من تعليق أحد المطربين، الذي أشار إلى أن ألبومه الجديد «لينا معاد» جاء في الترتيب الرابع بالتريند، رغم أنه تصدّر المركز الأول.
تامر حسني: «كنت رقم 1 من أول يوم.. والألبوم مش الرابع»
وكتب تامر حسني قائلًا: «مش غريبة شوية لما الفنان الكبير اللي بحبه وبقدره ينزل صورتي عنده في الستوري بكذا طريقة إني رقم 4!؟ وهو عارف إن ألبومي مش 4، بدليل ترتيب تريند يوتيوب اللي ألبومي كله احتله، وكنت رقم 1 من أول يوم في الأسبوع الأول من نزوله».
وأضاف: «برضو ناس جمعتلي النتائج دي بس منزلتهاش.. عموما هو ترتيب وبيتغير كل شوية لينا ولزملائنا المطربين لما بينجحوا. الفكرة إن ألبوم لينا معاد أنا تعبت فيه، والناس بتتكلم عنه بكل خير، وده الأهم، فمش محتاج أعمل كده».
«لينا معاد» يتصدر اليوتيوب
وتابع تامر حسني: «أنا لما كنت تقريبًا 10 أيام رقم 1 في أسبوع نزول الألبوم زي ما انتوا شايفين في الفيديو اللي اضطريت أنزله، أغانيا كانت في التريند أعلى وهو كان تحت.. احتراما ليه ولمحبينه منزلتش صورته وهي تحت، ولا نزلت أي خبر يقول إن ألبومي متصدر عليه، كنت بحتفل مع جمهوري دون المساس بصورة أو اسم أي فنان احتراما لمجهوده.. بس مش عارف ليه هو يعمل كده لأنه أكبر من كده ومش محتاج يعمل كده! وعموما، ألف مبروك».
