بحالة من الحماس استقبل جمهور مؤدي الراب «ويجز» أغنية الأيام التي طرحها منذ ساعات قليلة عبر قناته الرسمية على «يوتيوب» وعدد من المنصات الموسيقية الإلكترونية، وتأتي الأغنية ضمن ألبومه الجديد المقرر طرحه في 29 أغسطس الجاري.

وجاء طرح ويجز لـ أغنية الأيام قبل أيام قليلة موعد حفله ضمن فعاليات مهرجان العلمين 2025 في نسخته الثالثة، المقام يوم الجمعة المقبل 22 أغسطس على مسرح يو أرينا في مدينة العالمين، ومن المقرر أنَّ يقدم خلال الحفل مجموعة من أبرز أعماله الغنائية التي يتفاعل معها الجمهور بشكل كبير.

ويجز يطرح أغنية الأيام

كلمات أغنية الأيام لـ ويجز

وجاءت كلمات أغنية ويجز كالتالي:

الأيام مش زي بعضها بس أيامي زي بعضها

وحاجات ياما كانت في إيديا دلوقتي نفسي أوصلها

الأيام زحمة ودوشاني، وسلامتك يا دماغي

نفسي أشاركني لحظة صمت والأيام واخداني

اللي بكيته نشف على خدي، اتبخر ونساني

أنا عارف إن الصامت ناجي، بس هتكلم تاني

ولا غمض عيوني طول الليل، بقى ده العادي ونعمل إيه؟

والناس نايمة ومش حاسين، وقلبي زي طير حزين

واشكي لمين؟ مين هيحس؟ كلها دنيا وعايشين فيها

قوليلي أعمل إيه في الحيرة؟ أنا مش عايز أعيش في عذاب

أنا هعيش لنفسي ولا هفضي نفسي وأعيش للناس

قوليلي أعمل إيه في الحيرة؟ أنا مش عايز أعيش في عذاب

أنا هعيش لنفسي ولا هفضي نفسي وأعيش للناس

الأيام مش زي بعضها بس أيامي زي بعضها

وحاجات ياما كانت في إيديا دلوقتي نفسي أوصلها

الأيام مش زي بعضها بس أيامي زي بعضها

كل الفرحة اللي في الدنيا كانت في إيديا وضَيّعتها

ولا غمض عيوني طول الليل، بقى ده العادي ونعمل إيه؟

والناس نايمة ومش حاسين، وقلبي زي طير حزين

واشكي لمين؟ مين هيحس؟ كلها دنيا وعايشين فيها.

• ويجز
• ويجز أغنية الأيام
• ويجز مهرجان العلمين
• حفل ويجز العلمين